Коом

ЖККУ жыйынына байланыштуу Бишкектеги бардык мектептер онлайн окууга өтөт

Ишкер Media

ЖККУ жыйынына байланыштуу Бишкектеги бардык мектептер онлайн окууга өтөт

25-27-ноябрында Бишкек шаарында мамлекеттик деңгээлдеги иш-чаралар, анын ичинде ЖККУ мамлекет башчыларынын кеңешинин отуруму өтөт. Бул мезгилде шаарда айрым объектилердин иштөө режимине жана транспорт кыймылына убактылуу өзгөртүүлөр киргизилет. Бул тууралуу мэриядан билдиришти.

Борбордук көчөлөрдө жана расмий делегациялардын маршруттары боюнча унааларга чектөөлөр кирет. Тургундарга маршруттарды алдын ала пландаштырууну сунуштайт. Ошондой эле “Ош базары” жана “Сары-Өзөн” базарлары санитардык тазалоо иштерине байланыштуу жабык болот.

Мындан тышкары, ЖККУ жыйынына жана алдын ала санитардык даярдыкка байланыштуу борбор калаадагы бардык мектептер 25-ноябрдан 1-декабрга чейин онлайн окууга өткөрүлөт. Сабактар бекитилген графикке ылайык өтүп, окуу программасынан артка калуу болбойт. 2-декабрдан баштап кадимки форматта окуу улантылат. Борбор калаадагы жогорку окуу жайлар 25-27-ноябрга чейин онлайн режимде окушат.

Бишкек шаарынын мэриясы шаардын коопсуздугун камсыздоо жана расмий иш-чараларга даярдоо боюнча убактылуу чараларга түшүнүү менен мамиле кылууну сурайт.

Жаңылыктар биздин Телеграмм каналда

Мындан тышкары окуңуз

Айтматов районунун Чымкент айылында 140 орундуу бала бакчанын курулушу бүттү

Айтматов районунун Чымкент айылында 140 орундуу бала бакчанын курулушу бүттү

Талас облусунун Айтматов районуна караштуу Чолпонбай айыл өкмөтүнүн Чымкент айылында 140 орундуу бала бакчанын курулушу аяктады. Объект республикалык бюджеттин эсебинен каржыланып, жалпы аянты 1 480,85 чарчы метрди түзгөн эки кабаттуу имарат курулду. Курулуш министрлигинин басма сөз кызматынын маалыматына караганда, бала бакча 140 балага ылайыкталып, билим алуу-тарбиялоо, эс алуу

Ишкер Media
Кыргызстанда сасык тумоого каршы эмдөө башталды

Кыргызстанда сасык тумоого каршы эмдөө башталды

Кыргызстанга сасык тумоого каршы вакциналар алынып келинип, аймактарга таратылып берилди. Бишкектеги үй-бүлөлүк мединалык борборлордо эмдөө башталды. Бул тууралуу Санэпидкөзөмөл департаменти башкармалыгынын жетекчиси Динара Оторбаева "Биринчи радиодон" чыгып сүйлөгөндө билдирди. Динара Отунбаеванын сөзүнө караганда биринчи кезекте ооруну жуктуруп алуу коркунучу жогоркулар бекер эмделет. Алар: * Өнөкөт оорусу бар жарандар

Ишкер Media
Ч.Айтматовдун айкелинин эскизин даярдап - 200 000 сом байге утуп алуу сунушталууда

Ч.Айтматовдун айкелинин эскизин даярдап - 200 000 сом байге утуп алуу сунушталууда

Маданият, маалымат жана жаштар саясаты министрлиги залкар жазуучу Чыңгыз Айтматовдун айкелинин жана анын чыгармаларынын негизиндеги скульптуралык композициянын эскиздик долбооруна жарыяланган ачык сынактын мөөнөтү 29-ноябрына чейин созулат. Мындай билдирүүнү аталган министрликтен маалымдашты. Сынактын максаты - жазуучунун инсандыгын, чыгармачылык мурасын жана чыгармаларындагы жалпы адамзаттык баалуулуктарды чагылдырган мыкты монументалдык-скульптуралык чечимди тандоо. Билдирүүгө

Ишкер Media
Улуттук банк алты талапкердин кызмат ордуна дайындалышына макулдук берди

Улуттук банк алты талапкердин кызмат ордуна дайындалышына макулдук берди

Кыргыз Республикасынын Улуттук банкы 29-сентябрда коммерциялык банктардагы бир катар жетекчилик кызматтарга сунушталган талапкерлердин талапкерлигине макулдук берди. Бул тууралуу Улуттук банктын басма сөз кызматынан кабарлашты. Билдирүүгө караганда, “Асман Банк” ЖАКтын директорлор кеңешинин төрагасы кызматына сунушталган Исакова Гульзина Абыловнанын, ошондой эле директорлор кеңешинин мүчөлүгүнө сунушталган Ааб Рийна Амалиенин талапкерлигине макулдук берилди.

Ишкер Media