DOHWA Engineering Чүйдөгү саркынды суу долбооруна техникалык көмөк көрсөтөт
DOHWA Engineering компаниясы Чүй агро өнөр жай аймагында курулушу пландалып жаткан канализациялык тазалоо курулмаларынын долбоорун ишке ашырууда техникалык көзөмөлдү акысыз негизде жүргүзүүгө даяр экенин билдирди. Бул тууралуу Айыл чарба министрлигинин маалымат кызматы билдирет.
Иш сапардын алкагында Суу ресурстары, айыл чарба жана кайра иштетүү өнөр жайы министрлигине караштуу “Кыргыз Агрохолдинг” ААК жана DOHWA Engineering компаниясынын өкүлдөрү Түштүк Кореянын Ёнчхон шаарындагы саркынды суу тазалоо комплекси менен таанышып кайтышты. Бул объект суткасына 21 000 м³ саркынды сууну толук цикл менен тазалоого жөндөмдүү болуп, толугу менен DOHWA Engineering тарабынан курулган жана ошол эле компаниянын технологиялары менен иштетилип келет.
Кыргызстанда заманбап, экологиялык жактан коопсуз саркынды суу тазалоо системаларын өнүктүрүү — калктын жашоо сапатын жакшыртууга, санитардык-экологиялык коопсуздукту камсыздоого жана агроөнөр жай өндүрүшүнүн туруктуу инфратүзүмүн түзүүгө багытталган маанилүү кадам.
