Салык кызматынын борбордук аппараты 16га кыскарса, аймактарда ошончого көбөйдү
Мамлекеттик салык кызматынын штаттык бирдиктеринин параметрлерине өзгөртүүлөр киргизилди. Жалпы чектелген штаттык саны өзгөрүүсүз калды: негизги персонал — 3332 штаттык бирдик, техникалык жана тейлөөчү персонал — 454 бирдик. Бул тууралуу Салык кызматынын басма сөз кызматынан кабарлашты.
Билдирүүгө караганда, борбордук аппарат 16 адамга кыскартылды: негизги персонал боюнча 409 штаттык бирдик (мурун 422 болчу) жана техникалык жана тейлөөчү персонал боюнча 42 бирдик (мурун 45 болчу).
Аймактык жана функционалдык бөлүмдөрдө кызматкерлердин саны 16 адамга көбөйдү: негизги персонал боюнча 2752 адам (мурун «аймактык бөлүмдөр» — 2739) жана тейлөөчү персонал боюнча 409 адам (мурун 406 болчу).
Ведомстволук карамагындагы бөлүмдөр өзгөрүүсүз калды — негизги персонал 171 адам жана тейлөөчү персонал 3 адам.
