Баалар көзөмөлдө: Талас шаарында азык-түлүк жарманкеси өтүүдө

Суу ресурстары, айыл чарба жана кайра иштетүү өнөр жайы министри Бакыт Төрөбаевдин тапшырмасынын алкагында өлкөнү негизги азык-түлүк менен туруктуу жана дефицитсиз камсыз кылуу максатында айыл чарба жарманкелерин өткөрүү иштери улантылууда. Бул тууралуу Айыл чарба министрлигинен билдиришти.

Ушул багытта Талас шаарындагы А. Огомбаев атындагы музыкалык мектебинин алдында Талас райондук мамлекеттик администрациясы жана шаардык мэриясынын уюштуруусу менен кезектеги азык-түлүк жарманкеси өткөрүлдү.

Жарманкеге район жана шаар аймагындагы дыйкандар, фермерлер жана жеке ишкерлер өз продукцияларын алып чыгышып, Мамлекет тарабынан көзөмөлдөнгөн бааларда калкка сунушташты.

Жарманкенин негизги максаты – калкты жеткиликтүү баада сапаттуу азык-түлүк менен камсыз кылуу, жергиликтүү өндүрүүчүлөрдү колдоо жана рыноктогу бааны туруктуу сактоо.