Таластагы үзгүлтүксүз уланып жаткан мал уурулуктун бети ачылды
Талас РИИБге райондун 3 тургуну 2025-жылдын 22-ноябрына караган түнү 2 баш уй жана 1 баш жылкы кулуну менен белгисиз кылмышкерлер тарабынан уурдалганын билдирип, арызданышкан. Бул боюнча КРнын Кылмыш-Жаза кодексине ылайык кылмыш иши козголгондугун Талас ОИИБдин Басма сөз кызматынан кабарлашты.
Билдирг караганда Талас РИИБ тарабынан жүргүзүлгөн ыкчам-иликтөө иштеринин натыйжасында, кылмышка шектүү катары, Талас районунун тургундары 1991-ж.т. К.С. жана 1994-ж.т. С.С. кармалып, 23-ноябрда убактылуу кармоочу жайга киргизилди. Шектүүлөр малды өздөрү жашаган жерден жана кошуна айылдын тегерек четинен уурдагандыгы анык болду.
Кылмышка шектүүлөрдүн башка мал уурулуктарга тиешеси бар же жоктугун аныктоо боюнча ыкчам иш-чаралар жүргүзүлүп, К.С. аттуу жарандын 2025-жылдын апрель-август айларында уурдалган 4 бодо малын уурдоого тиешеси бар экендиги тастыкталган.
Жалпысынан арыз ээлерине 800 000 сомдук материалдык чыгым келтирилип, 400 000 сомдук чыгым өндүрүлгөн. Калган чыгымды өндүрүү боюнча тергөө амалдары жүргүзүлүүдө.
