Бишкек менен Чүйдүн газ долбооруна 13,78 млн сом жеңилдетилген кредит берилди
Бишкек жана Чүй облусундагы газдаштыруу долбоору боюнча жеңилдетилген кредиттер берилүүдө. Бул тууралуу Финансы министрлигинин маалымат кызматынан билдиришти.
Бишкек шаары жана Чүй облусун газдаштыруу иштерин колдоо максатында Министрлер Кабинетинин 2025-жылдын 28-апрелиндеги №349-т токтому менен “Бишкек шаары жана Чүй облусун газдаштыруу боюнча жеңилдетилген каржылоо-3” долбоору бекитилген. Аталган долбоорду ишке ашырууга “Айыл Банк” жана “Элдик Банк” ААК катышып, жалпы кредит көлөмү 200 млн сомду түзгөн.
26-ноябрга карата долбоордун алкагында республика боюнча 110 каржылоо субъектине 13,78 млн сом суммасында жеңилдетилген кредит берилди.
Долбордун негизги максаты – аймактарды газ менен камсыз кылууну ылдамдатуу жана калк үчүн ыңгайлуу шарттарды түзүү.
