Ысык-Көлдө архитектура башкармалыгынын имаратынын курулушу аяктап калды
Каракол шаарындагы Коенкөзов 1 дарегинде Ысык-Көл регионалдык шаар куруу жана архитектура башкармалыгы үчүн жаңы эки кабаттуу имараттын курулушу соңку этабына келди. Бул тууралуу Курулуш, архитектура жана турак жай-коммуналдык чарба министрлигинин маалымат кызматы билдирди.
Маалыматка ылайык, 703,95 чарчы метр аянтты ээлеген имараттын биринчи кабатында “бирдиктүү терезе”, архитектура-курулуш көзөмөлү, мамлекеттик экспертиза бөлмөлөрү, жыйындар залы жана пандус каралган. Экинчи кабатта жетекчилик жана бухгалтерия жайгашат. Жер төлөөдө архив жана техникалык бөлмөлөр болот.
Министрликтин маалыматына караганда, мындай имараттар мамлекеттик бюджеттен эмес, министрликтин ички ресурстарынын эсебинен курулууда. Азыр өлкө боюнча ондон ашык жаңы административдик имараттар салынып жатат.
