Суу секторуна 3,7 млрд сом ПГИ жана 400 млн доллар эл аралык инвестиция жумшалды
Бүгүн Бишкек шаарында өткөн Суу менен камсыздоо жана санитария боюнча Форумда Министрлер Кабинетинин Төрагасынын орун басары Бакыт Төрөбаев таза суу жана санитария тармагындагы реформалар тууралуу маалымат берди.
Анын айтымында, «Ичүүчү суу менен камсыздоо жана канализацияны өнүктүрүү программасынын (2026-жылга чейин)» алкагында 600дөн ашык айыл-кыштакта жана 24 шаарда долбоорлор иштеп, курулушу жүрүүдө. Акыркы беш жылда ПГИ 3,7 млрд сом жана эл аралык өнөктөштөр 400 млн доллардан ашык каражат бөлүштү.
Бүгүнкү күндө 400 миңден ашык жаран 130 айылда таза сууга жетти. 11 шаар жана 4 ири айылдын канализациялык системалары SCADA автоматташтырылып, суу станциялары энергия үнөмдүү жабдуулар менен жабдылууда.
Министр айылдык аймактарда кадрдык жана институтционалдык мүмкүнчүлүктөрдү чыңдоо зарылдыгын белгилеп, бул маселелер жаңы «2026–2036-жж. суу менен камсыздоо жана суу агызуу секторун өнүктүрүү программасына» киргенин маалымдады.
