Сузакта 184 млн сомго жаңы мектептин курулушу башталды
Жалал-Абад облусунун Сузак районуна караштуу Көк-Жаңгак айылында №1 М.Фрунзе мектебинин курулушу башталды. Долбоор республикалык бюджеттен каржыланып, тендердик баасы 184 миллион сомду түздү. Бул тууралуу Курулуш министрлигинен билдирди.
Башкы план боюнча объекттин жалпы аянты 2944 чарчы метрди түзгөн, эки кабаттуу имараттан турат. Мектепте негизги окуу класстардан тышкары лаборатория, китепкана, дарыгердин бөлмөсү, кыздар, балдар үчүн эмгек класстар, актовый жана спорт залдары заманбап шарттары менен каралат.
Курулуш-монтаждоо иштери Турак жай жарандык курулуш департаментинин көзөмөлүндө жүргүзүлүүдө, учурда пайдубалы куюлду.
