Чагымчылык видеону жарыялаган жаран кармалды
УКМК социалдык тармактарда Кытай жарандарына каршы терс маанай жаратууну көздөгөн жалган маалыматтарды таратуу фактылары боюнча иликтөө жүргүзүп, Инстаграмдагы mamyrbaiv аккаунтунун ээси - М.Б.М. (1986-ж.т.) экенин аныктады. бул тууралуу УКМКнын басма сөз кызматынан кабарлашты.
Маалыматка караганда, ал көп кабаттуу үйдүн фасады бузулуп жатканын чындыкка дал келбеген түрдө тартып, провокациялык комментарийлер менен жарыялаган.
Тергөөнүн жүрүшүндө видеодо көрсөтүлгөн курулуш объектинде долбоордук өзгөртүүлөргө байланыштуу фасаддык бөлүктөр демонтаждалып жатканы белгилүү болду. Курулуш министрлиги да бул маалыматты төгүндөп, бардык иштер долбоорго ылайык жана көзөмөл алдында жүрүп жатканын билдирди.
Бул факт боюнча “улут аралык кастыкты козутуу” беренеси менен кылмыш иши козголуп, М.Б.М. УКМКнын убактылуу кармоочу жайына киргизилди.
Тергөөгө иштери уланууда
