Коом

2040-жылга чейинки демографиялык саясаттын биринчи этабы старт алды

Ишкер Media

02 дек 2025 16:58

Эмгек, социалдык камсыздоо жана миграция министрлиги 2040-жылга чейинки Демографиялык саясат Концепциясынын биринчи этабын (2026–2030-жылдар) ишке киргизүү боюнча жумушчу иш-чара өткөрдү. Ведомстволор аралык жумушчу топтун жыйынына мамлекеттик органдардын жана мекемелердин өкүлдөрү, эксперттер, ошондой эле БУУнун Калктын саны боюнча фонду (ЮНФПА) катышты.

Эмгек, социалдык камсыздоо жана миграция министринин биринчи орун басары К.С. Досматов жыйынды ачып жатып, демографиялык саясаттын калктын жашоо сапатын жогорулатууга багытталган чаралардын жыйындысы экенин, анын негизги максаттары – калкты сактоо жана көбөйтүү, төрөлүүнү колдоо, орточо өмүр узактыгын 79 жашка жеткирүү, эмгекке жарамдуу калк арасындагы өлүмдү азайтуу, үй-бүлө институтун жана жарандык аң-сезимди бекемдөө, ошондой эле өлкө ичинде татыктуу жумуш орундарын түзүү экенин белгиледи.

Жыйындын жүрүшүндө 2040-жылга чейинки Демографиялык саясат Концепциясынын серепчеси, демографиялык туруктуулук жана демографиялык дивиденд, Босния жана Герцеговинанын гендердик жооптуу үй-бүлө саясатын ишке ашыруу тажрыйбасы жана биринчи этаптын Иш-чаралар планы талкууланды. Презентациялардан кийин катышуучулар каржылоо булактарын жана бардык кызыкдар тараптардын сунуштарын эске алуу менен План долбоорун талкуулоо үчүн чакан топторго бөлүндү.

Жыйынтыгында 2026–2030-жылдарга карата Концепциянын биринчи этабын ишке ашырууну камтыган аракеттер планы макулдашылып, документти бекитүү үчүн негиз түзүлдү. Концепциянын ийгиликтүү аткарылышы өлкөнүн келечегине жана социалдык-экономикалык туруктуулугуна түздөн-түз таасир этери белгиленди.

Мындан тышкары окуңуз

Айтматов районунун Чымкент айылында 140 орундуу бала бакчанын курулушу бүттү

Талас облусунун Айтматов районуна караштуу Чолпонбай айыл өкмөтүнүн Чымкент айылында 140 орундуу бала бакчанын курулушу аяктады. Объект республикалык бюджеттин эсебинен каржыланып, жалпы аянты 1 480,85 чарчы метрди түзгөн эки кабаттуу имарат курулду. Курулуш министрлигинин басма сөз кызматынын маалыматына караганда, бала бакча 140 балага ылайыкталып, билим алуу-тарбиялоо, эс алуу

Кыргызстанда сасык тумоого каршы эмдөө башталды

Кыргызстанга сасык тумоого каршы вакциналар алынып келинип, аймактарга таратылып берилди. Бишкектеги үй-бүлөлүк мединалык борборлордо эмдөө башталды. Бул тууралуу Санэпидкөзөмөл департаменти башкармалыгынын жетекчиси Динара Оторбаева "Биринчи радиодон" чыгып сүйлөгөндө билдирди. Динара Отунбаеванын сөзүнө караганда биринчи кезекте ооруну жуктуруп алуу коркунучу жогоркулар бекер эмделет. Алар: * Өнөкөт оорусу бар жарандар

Ч.Айтматовдун айкелинин эскизин даярдап - 200 000 сом байге утуп алуу сунушталууда

Маданият, маалымат жана жаштар саясаты министрлиги залкар жазуучу Чыңгыз Айтматовдун айкелинин жана анын чыгармаларынын негизиндеги скульптуралык композициянын эскиздик долбооруна жарыяланган ачык сынактын мөөнөтү 29-ноябрына чейин созулат. Мындай билдирүүнү аталган министрликтен маалымдашты. Сынактын максаты - жазуучунун инсандыгын, чыгармачылык мурасын жана чыгармаларындагы жалпы адамзаттык баалуулуктарды чагылдырган мыкты монументалдык-скульптуралык чечимди тандоо. Билдирүүгө

Улуттук банк алты талапкердин кызмат ордуна дайындалышына макулдук берди

Кыргыз Республикасынын Улуттук банкы 29-сентябрда коммерциялык банктардагы бир катар жетекчилик кызматтарга сунушталган талапкерлердин талапкерлигине макулдук берди. Бул тууралуу Улуттук банктын басма сөз кызматынан кабарлашты. Билдирүүгө караганда, “Асман Банк” ЖАКтын директорлор кеңешинин төрагасы кызматына сунушталган Исакова Гульзина Абыловнанын, ошондой эле директорлор кеңешинин мүчөлүгүнө сунушталган Ааб Рийна Амалиенин талапкерлигине макулдук берилди.