АКШ мыйзамсыз жүргөн мигранттарга 1000 доллардан убада кылды
АКШнын Ички коопсуздук министрлиги (DHS) "майрам алдындагы акциянын" алкагында мыйзамсыз мигранттарга мекенине кайтуу үчүн миң доллар сунуштаганын РИА Новости жазды.
DHS тарабынан X социалдык түйүндөрүндө жарыяланган видеодо агенттик мигранттардан телефондоруна атайын тиркемени жүктөп алып, жеке маалыматтарын толтурууну суранат. Андан кийин Улуттук коопсуздук министрлиги документтерин даярдап, мигрант мекенине кайтып баргандан кийин 1000 доллар төлөп берүүнү убада кылып жатат.
"Сезондун мыкты сунушун колдонуңуз — мекениңизге акысыз учуу жана 1000 доллар," — деп айтылат жарнамалык ролик стилинде жасалган видеодо.
Дональд Трамп президенттик кызматындагы биринчи сөзүндө Американын аймагына мыйзамсыз кирүүнү дароо токтотууну жана миллиондогон мигранттарды экстрадициялоо процессин баштоону убада кылган. Ошондой эле ал Кошмо Штаттардын түштүк чек арасындагы кырдаалга байланыштуу жалпы улуттук өзгөчө кырдаал режимин киргизген.
