Өзгөн шаарында 261 млн сомго мектеп курулуп жатат
Ош облусунун Өзгөн шаарында 261 миллион сомго жаңы мектеп курулууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
Долбоор республикалык бюджеттен каржыланып, Курулуш министрлиги тарабынан ишке ашырылат.
Башкы план боюнча мектеп 500 орунга ылайыкталып, алты блоктон турат. Имараттын жалпы аянты 5897 чарчы метрди түзүп, заманбап талаптарга жооп берген эки кабаттуу окуу корпусу жана спорт залы менен салынууда. Мындан тышкары сырткы футбол, баскетбол жана волейбол аянтчалары да каралган.
Курулуш-монтаждоо иштерин "КСУ" ЖЧКсы аткарууда. Азыркы тапта мектептин экинчи кабатына плита орнотуу иштери жүрүп жатат.
