Сергей Собянин москвалык эксперттерге "көчө шыпыруу" кеңешин берди
Москва мэри Сергей Собянин борбор калаада иштеген эмгек мигранттарынан нааразы болгондорду кескин сынга алганын "Москва жаңылыктары лентасы" порталы жазды.
Ал Москвага жогорку квалификациялуу адистер гана керек деген пикирлерге жооп берди.
"Эгер бул эксперттер ушунчалык демилгелүү болсо, анда мен аларга: "Шыпыргыны алып, жогорку билими, доктордук диссертациясы менен Москвадагы бир короону шыпырып көрүшсүн. Алар муну кылат деп ойлобойм. Анда бул ишти ким кылат? Андай болсо биз жогорку билимдүү мигранттарды алып келип, москвалыктар жогорку квалификациялуу жумуш орундарын аларга берип, өздөрү жол шыпырышы керекпи? Бул логиканы түшүнбөй турам", — деди ал.
Сергей Собянин ошондой эле оор жана квалификация талап кылбаган жумуштарды жасоого даяр мигранттардын болушу позитивдүү көрүнүш экенин белгиледи. Анткени бул тармакта да кадрлар жетишсиз. Анын айтымында, 2018-жылдан бери эмгек мигранттарынын саны өзгөргөн эмес жана айрымдар айтып жүргөндөй "мигранттардын массалык агылып келиши" чындыгында жок.
