Евробиримдик башпаанек берүү талабын күчөтөт
Евробиримдиктин ички иштер министрлери 8-декабрда башпаанек берүү боюнча эрежелерди дагы катаалдаштыруу чараларын макулдашканын epd агенттигине шилтеме кылуу менен “Азаттык” жазды.
Жаңы макулдашууга ылайык, Евробиримдиктен тышкары “коопсуз өлкөлөрдөн” келген адамдардын башпаанек сураган арыздарын четке кагуу жеңилдетилет.
Мурда өтүнүчү четке кагылса баш калка сураган адам өз өлкөсүнө кайтарылса, эми буга чейин эч качан барбаган өлкөлөргө да депортация болушу мүмкүн жана арызы четке кагылган учурда апелляция бүткүчө Евробиримдиктин аймагынан автоматтык түрдө чыгарылат.
Министрлер шаркеттин алгачкы жалпы “коопсуз өлкөлөр тизмесин” бекитишти. Ага Египет, Марокко, Тунис, Индия, Косово, Бангладеш жана Колумбия сыяктуу мамлекеттер кирди.
Андан сырткары, Евробиримдикке мүчөлүккө талапкер өлкөдө согуш жана адам укуктарына олуттуу коркунуч болбосо, коопсуз деп эсептелет. Макулдашылган чаралар күчүнө кириши үчүн Евробиримдикке кирген өлкөлөр Европарламент менен бирге документтин акыркы формасын бекитиши керек.
