Салык кызматында "Улуттук дем – дүйнөлүк бийиктик" уңгужолу темасында лекция өттү
Мамлекеттик салык кызматынын кызматкерлери үчүн “Улуттук дем – дүйнөлүк бийиктик” уңгужолу темасында агартуучулук лекция өткөрүлдү.
МСКнын басма сөз кызматынын маалыматына караганда, лекциянын жүрүшүндө мамлекеттик тилдин коомдук биримдикти чыңдоодогу, улуттук биримдикти бекемдөөдөгү жана мамлекеттик кызматкердин кесиптик маданиятын калыптандыруудагы орду кеңири талкууланды.
Мындай маданий-агартуу иш-чаралары аркылуу кызматкерлердин мамлекеттик тилди терең өздөштүрүүсүнө, аны күнүмдүк иште туура жана натыйжалуу колдонуу маданиятын жогорулатууга өзгөчө көңүл бурулду.
Ошондой эле, катышуучулар кыргыз мамлекеттүүлүгүнүн кылымдар бою уланган тарыхый мурастары, руханий жана маданий баалуулуктары тууралуу маалыматтарды талкуулап, аларды сактоо жана өнүктүрүүнүн коом үчүн гана эмес, ар бир мамлекеттик кызматкердин жеке өсүшү үчүн да маанилүү экенин баса белгилешти.
