Коом

Үй-бүлөлүк жана жарандык баалуулуктардын мыкты үлгүлөрү боюнча сынак жарыяланды

Ишкер Media

10 дек. 2025 15:16

Бишкек шаарынын райондорунда "Үлгүлүү аксакал", "Үлгүлүү байбиче", "Нарктуу келин", "Мыкты ата", "Үлгүлүү үй-бүлө", "Үлгүлүү көчө", "Үлгүлүү конуш", "Үлгүлүү ишкана", "Үлгүлүү жамаат (коллектив)" аттуу сынак өткөрүлөт.

Шаар мэриясынан кабарлагандай, конкурска Бишкек шаарынын тургундары, эмгек жамааттары, ишканалар, кичирайондор жана конуштар катыша алышат. Конкурска катышуу ыктыярдуу жана акысыз.

Конкурсанттардын арыздары 2025-жылдын 15-декабрына чейин муниципалдык администрациялар тарабынан кабыл алынат. Катышуучулардын арызында төмөнкү маалыматтар камтылышы зарыл:

* катышуучулар тууралуу кыскача маалымат;

* жетишкендиктери жөнүндө маалымат (документтер менен тастыкталса — диплом, грамота, сертификат ж.б.);

* фото жана видео материалдар (презентация);

* МАБдан берилген сунуштама.

Долбоордун негизги максаттары жана милдеттери — үй-бүлөлүк, маданий жана коомдук баалуулуктарды чыңдоо, шаарды өнүктүрүүгө жаратмандык менен салым кошкондугу үчүн жарандарды, үй-бүлөлөрдү, жамааттарды жана уюмдарды сыйлоо, коомдук жана үй-бүлөлүк активдүүлүктүн, жарандык жоопкерчиликтин мыкты үлгүлөрүн жайылтуу болуп саналат.

Конкурстун жеңүүчүлөрүнө муниципалдык администрациялардын ыраазычылык каттары, ардак грамоталары жана эстелик белектер тапшырылат.

Мындан тышкары окуңуз

Дүйнөдөгү эң бай адамдар кимдер?

Дүйнөдөгү эң бай адам катары акшлык Илон Маск турат. Анын бүгүнкү күндө 957 млрд долларлык байлыгы бар. Илон Масктан кийинки экинчи бай адам катары акшлык Лари Пейдж эсептелет. Ларри Пейдж Google компаниясынын негиздөөчүсү жана мурдагы жетекчиси болуп саналат. Анын жалпы байлыгы 304 млрд долларды түзөт. 3-орунда 283 млрд доллар

Зардалы айылына заманбап үйлөр курулат

Баткен облусунун Зардалы айылында заманбап турак жайлар курулат. Бул тууралуу президенттик администрациянын маалыматтык саясат кызматынын башчысы Дайырбек Орунбеков социалдык тармактагы баракчасынан билдирди. Анын айтымында, мурда жетүүгө кыйын болгон аймактарда жашоо шарттарын жакшыртуу багытында иштер жүрүп жатат. Зардалы айылында акыркы жылдары электр энергиясы тартылып, уюлдук байланыш жана интернет ишке киргизилген, ошондой

КРдагы банктар 4 айда 9,5 млрд сом таза киреше табышкан

КРнын Улуттук банкы өлкөнүн банк секторунун 2026-жылдын 30-апрелине карата өнүгүү тенденцияларын жарыялады. Ага ылайык, көрсөтүлгөн мезгилдин аралыгында 24 коммерциялык банк жана алардын 306 филиалы иштеп турган жана алардын тапкан таза кирешеси 9,5 млрд сомго жеткен. Улуттук банктын билдирүүсүнө караганда, банк системасынын жалпы активдери төрт ай ичинде 28,

Эмгек министрлигинде качкындардын укуктарын коргоо маселеси каралды

24-июнда Эмгек, социалдык камсыздоо жана миграция министринин биринчи орун басары Камчыбек Досматов БУУнун Качкындар иштери боюнча Жогорку комиссарынын башкармалыгынын Борбордук Азиядагы өкүлү Махир Сафарли менен жолугушту. Маалыматка ылайык, жолугушууда Досматов Кыргызстан качкындардын укуктарын коргоо жаатында эл аралык уюмдар менен тыгыз кызматташып келерин белгилеп, Бириккен Улуттар Уюмунун колдоосуна ыраазычылык билдирди.