16-декабрда Бишкектин айрым жерлеринде суу берүү убактылуу токтотулат
16-декабрда Бишкек шаарында Элебаев көчөсүндөгү диаметри 300 мм болгон суу түтүгүн жылдыруу иштерине байланыштуу саат 09:00дөн 19:00гө чейин ичүүчү суу берүү убактылуу токтотулат. Бул тууралуу "Бишкексууканал" муниципалдык ишканасы маалымдады.
Суу берүү турак жайларга, мектептерге, бала бакчаларга, саламаттык сактоо мекемелерине жана социалдык-тиричилик объектилерине чектелет. Өчүрүү аймагы Ж. Пудовкин көчөсү боюнча Ахунбаев көчөсүнөн Медеров көчөсүнө чейинки тилкени камтыйт.
Суу убактылуу токтотула турган объектилердин арасында Чыгыш РЭСи, Октябрь райондук акимиаты, "Глобус" соода борбору, бир катар ресторандар жана чайканалар, билим берүү жана саламаттык сактоо мекемелери, ошондой эле Юг-2 кичи районунун айрым үйлөрү бар.
Ошондой эле Матросов көчөсүндөгү курулуш кампалары жана соода түйүндөрү, "Бишкексырбаза" аймагы да өчүрүүгө кирет. Мындан тышкары, бир катар насостук станциялар (ПНС) убактылуу иштебейт.
"Бишкексууканал" МИси жаралган ыңгайсыздыктар үчүн кечирим сурап, шаар тургундарын жана мекеме-уюмдарды алдын ала ичүүчү суу камдап алууга чакырат.
