Экология министрлиги жаны жылдык салюттардан баш тартууну сунуштайт
КРнын Жаратылыш ресурстары, экология жана техникалык көзөмөл министрлиги жаңы жылдык салюттардан баш тартууга чакырат.
Министрликтин маалыматына караганда, мындай чечим пиротехниканын атмосфералык абага тийгизген терс таасири менен шартталууда. Айрыкча кыш мезгилинде температуранын инверсиясынан улам булгоочу заттардын концентрациясы кескин жогорулайт. Мындан тышкары, пиротехникалык буюмдар Олуттуу көлөмдөгү тиричилик таштандыларын жаратат жана өрттүн чыгуу коркунучун жогорулатат.
Министрлик заманбап экологиялык таза альтернативалар — жарык инсталляциялары, менчик-иллюминациялар, дрондук шоулор — майрамдык атмосфераны айлана-чөйрөгө зыян келтирбестен сактоого мүмкүндүк берерин белгилейт.
Буга байланыштуу Министрлик ыйгарым укуктуу мамлекеттик органдарга, шаарлардын мэрияларына жана жергиликтүү бийлик органдарына өтүп жаткан майрамдык сезондо жаңы жылдык салюттардан баш тартууну камсыз кылууну сунуш кылууда.
