Мурас-Ордо конушуна жаңы №43 каттам ишке кирди
5-декабрдан тарта Мурас-Ордо конушунун тургундары үчүн Ош базарына жаңы №43 каттам ишке кирди. Бул тууралуу Бишкек шаардык мэриясы билдирди.
Эми каттамды Исузу үлгүсүндөгү кичи автобустар тейлейт. Ош базар тарапка бара жатканда маршрут Манас, Почтовый, Фрунзе, Айланып өтүүчү жол, Юбилейный, Ленский көчөлөрү жана Чүй проспектиси аркылуу Бейшеналиева көчөсүнө жетет. Мурас-Ордого кайтып келе жатканда Москва жана Фучик көчөлөрү менен өтөт.
Шаардык мэрия жүргүнчүлөргө коомдук транспортко аяр мамиле жасап, ташууларды таза кармоонуэскертет.
