Өлкөдө 9 негизги азык‑түлүк боюнча ички камсыздоо деңгээли талданып жатат
Суу ресурстары, айыл чарба жана кайра иштетүү өнөр жайы министрлиги Кыргызстанда 9 негизги социалдык маанилүү азык‑түлүк боюнча ички камсыздоо деңгээлин аныктоо максатында кеңири талдоо жүргүзүп жатат. Бул тууралуу министрликтин басма сөз кызматынан билдиришти.
Анализ ар бир районду камтып, өлкөнүн азык‑түлүк коопсуздугун камсыздоодо кайсы товарлар боюнча ички өндүрүш жетиштүү, кайсы тармактарда кошумча колдоо талап кылынарын аныктай турган маалыматтарды берет.
Жыйналган маалыматтардын негизинде министрлик айыл чарба товар өндүрүүчүлөр, жеткирүүчүлөр жана сатуучулар менен системалуу иш алып барууну көздөйт, ошондой эле катышуучуларды стимулдаштыруу, рынокто өз ара координацияны күчөтүү жана региондордо азык‑түлүк менен туруктуу камсыздоону жогорулатуу багытында иштерди алдыга жылдырат.
Алынган жыйынтыктарга карата министрлик азык‑түлүк коопсуздугун бекемдөө, ички өндүрүштү өнүктүрүү жана импорттук көз карандылыкты азайтуу боюнча практикалык чараларды жана мамлекеттик колдоо механизмдерин иштеп чыгат.
Министрлик бардык кызыкдар тараптарды — адистерди, ишкерлерди жана жарандарды тигелүү маалыматтарды, сунуштарды жана идеяларды берүүгө чакырат, анткени бул пикирлер жүргүзүлүп жаткан талдоонун сапатын жогорулатууга өбөлгө түзөт.
Байланыш үчүн: Чекирбаев Уран Кадырович, Азык‑түлүк коопсуздугу, кайра иштетүү өнөр жайы жана органика башкармалыгы (тел.: 0555 778 336).
