Кыргызстан менен Корея электрондук бажы кызматташтыгын өнүктүрүүдө кызматташат

Мамлекеттик бажы кызматынын төрагасы Алмаз Салиев Кореянын Кыргызстандагы элчиси Ким Квандже менен жолугушуп, эки тараптуу бажы кызматташтыкты өнүктүрүү маселелерин талкуулады. Бул тууралуу ведомстводон билдиришти.

Жолугушууда санариптештирүү, электрондук документ жүгүртүү жана маалыматтык системаларды модернизациялоо боюнча долбоорлор каралды. Тараптар тажрыйба алмашууга, бажылык башкаруунун натыйжалуулугун жогорулатууга жана соода үчүн жагымдуу шарттарды түзүүгө багытталган биргелешкен долбоорлорду ишке ашырууга кызыкдар экенин билдиришти.

Жыйынтыгында тараптар кызматташтыкты чыңдоо жана биргелешкен демилгелерди алдыга жылдырууга даяр экенин ырасташты.