VML_KG фирмасына алдангандардын саны 230га жетип, жалпы чыгым 20 млн сомдон ашты
Коомчулуктун көңүлүн бурган VML_KG компаниясынан жабыркагандардын жалпы чыгымы болжол менен 20 млн сомду түзөрүн, бирок реалдуу жоготуулар мындан да жогору болушу мүмкүн экенин ИИМдин Кылмыш иликтөө башкы башкармалыгынын кызматкери, юридика илимдеринин кандидаты, милициянын подполковниги Чолпон Назаркулова прадио эфирде билдирди.
Анын айтымында, бүгүнкү күнгө чейин жабыркагандардан 230дан ашуун арыз түшкөн жана алардын саны өсүп жатат.
"Биздин божомолубуз боюнча, өлкө боюнча жабыркагандардын саны 10–12 миң адамга чейин жетиши мүмкүн. Компания 40ка жакын кеңсе аркылуу иш алып барган, алардын ар биринде 200–300дөн катышуучу катталган", — деди Назаркулова.
Милициян подполковнигинин айтымында, компания катышуучуларга жарнамаларды бир жолу көрүү үчүн 10 сомго чейин убада кылып, түшкөн каражатты жумасына бир жолу банктардын бириндеги эсепке чыгарып турган. Минималдуу салым — 4,8 миң сом, орточо салым — 27 миң сом, максималдуу салым — 69,6 миң сом болгон.
Айрым үй-бүлөлөр жалпысы болуп 1 млн сомго чейин каражат салган учурлар да катталган.
