Кумшекер жана майдын баасы жөнгө салынбаса, калк 1,2 млрд сом жоготмок
Монополияга каршы жөнгө салуу кызматынын жетекчиси Жээналы Орозбаевдин айтымында, 2021-жылы өсүмдүк майы жана кумшекерге 90 күндүк мамлекеттик баа жөнгө салуу киргизилген. Бул чара көрүлбөсө, калк 1,2 млрд сомун жоготмок. Ал бул тууралуу "Кабарга" берген маегинде билдирген.
“Ал кезде майдын 1 литрин 180 сомдон сата башташкан. Ага чейин 110 сомдун тегерегинде болгон. Кумшекерди 105 сомго чыгарышкан. Азыр кумшекердин баасы 75 сом. Мына ушундай иштерди жүргүзүүдө биздин кызматтын таасири бар”, - деп белгиледи Ж.Орозбаев.
