Милиция кызматкерлерине 50 кызматтык унаа жана 5 карда жүрүүчү техника тапшырылды
Бүгүн Ички иштер министрлигинде Жол кыймылынын коопсуздугун камсыздоо башкы башкармалыгына, ыкчам кызматтарга, ошондой эле Ысык-Көл жана Нарын облустарынын жана Бишкек шаарынын Туристтик милициясына жаңы кызматтык унааларды жана карда жүрүүчү техникаларды тапшыруу аземи болуп өттү.
ИИМдин маалыматына ылайык, иш-чаранын алкагында "JAC", "Changan», "Hyundai Staria", "Toyota Hiace", "Geely Atlas", "Chevrolet Cobalt" жана "Нива Legend" үлгүсүндөгү 50 жаңы кызматтык унаа, ошондой эле 5 карда жүрүүчү техника (снегоход) берилди. Бардык унаалар заманбап техникалык жабдуулар менен толук камсыздалган.
ИИМ министри Улан Ниязбеков бул техника коомдук тартипти сактоого, жол кыймылынын коопсуздугун камсыздоого жана ички иштер органдарынын ишинин натыйжалуулугун жогорулатууга багытталганын белгиледи. Анын айтымында, жаңы унаалар жол кырсыктарынын санын азайтуу жана жарандарга көрсөтүлүүчү сервистик кызматтарды жакшыртуу үчүн маанилүү роль ойнойт.
