Караколдогу Яндекс Goдо «Комфорт» тарифи пайда болду
Эми Каракол шаарынын тургундары «Комфорт» тарифи менен жол жүрүүгө буйрутма бере алышат. Бул тарифти тандаганда жогорку класстагы унаалар, мисалы - Hyundai Sonata, Weltmeister EX5, Kia K5, Toyota Camry жана башка автоунаалар буйрутмага келишет. «Комфорт» тарифиндеги айдоочулар кошумча тестирлөөдөн өтүшөт.
«Комфорт» тарифи боюнча жол жүрүүнүн баасы 36 сомдон башталат. Мисалы, Каракол автобекетинен (Пржевальский көч. 149) Каракол шаарынын мэриясына чейин (Тыныстанов көч. 21) жол жүрүү болжол менен 73 сомду* түзөт. Караколдо ошондой эле базалык тариф «Эконом» да жеткиликтүү- ал “А” чекитинен “Б” чекитине чейин тез жана арзан жетүүнү каалагандарга ыңгайлуу.
Бардык каттамдар автоматтык ылдамдыкты жана айдоо стилин көзөмөлдөө сыяктуу заманбап коопсуздук технологиялары менен жабдылган. Эгерде система ылдамдыкты жогорулатууну же кооптуу маневрду аныктаса, ал дароо айдоочуга эскертип, кырсыктын санын азайтууга жардам берет. Ошондой эле, система күтүүсүз тормоз тебүүнү да көзөмөлдөп, кагылышууларды аныктайт. Мындай учурларда операторлор кырдаалды текшерүү үчүн жүргүнчү жана айдоочу менен байланышат.
Тиркемеде колдонуучулар үчүн "Коопсуздук" бөлүмү жеткиликтүү, ал жерден тез жардам кызматтары менен байланышып, колдоо кызматына кайрылса же маршрутту жакындары менен бөлүшсө болот. Сервис аркылуу бардык жол жүрүүдө айдоочу жана жүргүнчүлөр 800 000 сомго чейин камсыздандырылат.
Сервисти колдоно баштоо үчүн, болгону App Store же Google Play аркылуу акысыз Яндекс Go тиркемесин жүктөп алуу жетиштүү.
