Өсүмдүктөрдүн карантини боюнча лабораториянын ишмердүүлүгү жакшыртылат
Күн мурун Өсүмдүктөрдү химиялаштыруу, коргоо жана карантин департаментинин жетекчилиги Борбордук лабораториянын ишмердүүлүгү менен таанышып чыкты. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Иш сапар учурунда лабораториянын абалы, жүргүзүлүп жаткан анализдердин сапаты жана ыкчамдыгы, техникалык мүмкүнчүлүктөрү жана кадрдык потенциалы каралды.
Директор М.Кочеров лабораториянын ишин жакшыртуу боюнча бир катар тапшырмаларды берди: санариптештирүү, анализдерди так жана кыска мөөнөттө жүргүзүү, аккредитация маселелерин талапка ылайык чечүү. Мындан тышкары, материалдык-техникалык базаны чыңдоо жана заманбап изилдөө ыкмаларын киргизүү сунушталды.
Бул иш-чара өлкөнүн фитосанитардык коопсуздугун камсыздоого жана лабораториялык кызмат көрсөтүүлөрдүн сапатын жогорулатууга багытталган маанилүү кадам болуп эсептелет.
