Коом

Президенттик балатыга 1 100 бала катышты

Ишкер Media

19 дек. 2025 13:25

Бүгүн, 19-декабрда, Токтогул Сатылганов атындагы Кыргыз улуттук филармониясында балдар үчүн Президенттик жаңы жылдык майрам салтка айланган иш-чара болуп өттү. Бул тууралуу Эмгек, социалдык камсыздоо жана миграция министрлигинин маалымат кызматынан билдиришти.

Иш-чарага өлкөнүн бардык аймактарынан 1 100 бала катышты. Алардын ичинде мыкты окуучулар, олимпиадалардын жана спорттук мелдештердин жеңүүчүлөрү, балдар үйлөрүнүн жана аз камсыз болгон үй-бүлөлөрдүн балдары, ошондой эле укук коргоо органдарынын жана аскер кызматчыларынын балдары болду.

Эмгек, социалдык камсыздоо жана миграция министрлиги аркылуу 2025-жылдагы Президенттик балатыга 204 бала катышты. Алар — ден соолугунан мүмкүнчүлүгү чектелген адамдардын балдары, жетим балдар, оор турмуштук кырдаалга кабылган үй-бүлөлөрдүн балдары, ошондой эле өлкөнүн ар кайсы аймактарындагы социалдык жана стационардык мекемелердин кызмат алуучулары жана өкмөттүк эмес уюмдардын балдар топтору.

Мамлекеттик катчы А.К. Койчиев Президент Садыр Жапаровдун атынан куттуктоо кайрылуусун окуп берди. Кичинекей коноктор үчүн балдар бий коллективдеринин театралдаштырылган музыкалык жаңы жылдык көрсөтүүсү тартууланды.

Иш-чаранын соңунда балдарга Президенттин атынан жаңы жылдык белектер тапшырылды.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”