Коом

Айыл чарба кооперативдери үчүн 2% жана 10% өлчөмүндөгү салыктык колдоо чаралары

Ишкер Media

22 дек. 2025 10:31

Кыргызстанда айыл чарба кооперативдерин өнүктүрүүгө багытталган мамлекеттик колдоолор натыйжа берип, чакан дыйкан чарбалары атаандаштыкка жөндөмдүү ири товар өндүрүүчүлөргө айланууда. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Жеңилдетилген кредиттер, лизинг программалары жана салыктык жеңилдиктердин натыйжасында дыйкан чарбалары кооперативдерге биригип, өндүрүш көлөмүн көбөйтүп, продукциянын сапатын жогорулатууда. Бул аларга ички жана тышкы рынокторго ишенимдүү чыгууга шарт түзүүдө.

Суу ресурстары, айыл чарба жана кайра иштетүү өнөр жайы министрлиги тарабынан кооперативдерди өнүктүрүүгө багытталган укуктук ченемдик актылар кабыл алынып, мамлекеттик жер фондунан жерди кезексиз жана конкурссуз негизде ижарага алуу мүмкүнчүлүгү берилди.

Мындан тышкары, айыл чарба кооперативдери өндүрүштөн түшкөн кирешеге жана кошумча нарк салыгына бошотулган. Кооператив мүчөлөрү 2% киреше салыгын, ал эми кооперативде иштеген жумушчулар 10% салык төлөшөт.

Белгилей кетсек, Министрлер Кабинети тарабынан 2023-2027-жылдарга карата Айыл чарба кооперациясын өнүктүрүү программасы кабыл алынган. Программанын максаты — калкты коопсуз жана сапаттуу азык-түлүк менен камсыз кылуу, агроөнөр жай комплексинин инвестициялык жана экспорттук потенциалын жогорулатуу жана импортту алмаштырууну күчөтүү.

Мындан тышкары окуңуз

Кыргыз дрондору Түркияга жана эл аралык рынокко экспорттолушу мүмкүн

Стамбулда Кыргызстандын "Qarga Group" компаниясы менен Түркиянын "ZENA Elektrik ve Enerji A.Ş." компаниясы энергетикалык инфратүзүмгө учкучсуз аппараттар аркылуу мониторинг жүргүзүү боюнча кызматташтыкты талкуулашты. Экономика жана коммерция министрлигинин басма сөз кызматынын маалыматына ылайык, жолугушууда "Qarga Group" компаниясы энергетикалык объектилерди абадан көзөмөлдөөгө арналган, өзү иштеп

Бишкекте абаны булгаган унаа аныкталып, ишканага айып пул салынды

Бишкекте атмосфералык абаны булгаган автоунаа аныкталып, ал таандык болгон ишканага 23 миң сом айып салынды. Бул тууралуу Жаратылыш ресурстары, экология жана техникалык көзөмөл министрлиги билдирди. Маалыматка ылайык, Экологиялык жана техникалык көзөмөл кызматына шаардын түштүк тарабында автоунаадан коюу кара түтүн чыгып жатканы тууралуу жарандардан маалымат түшкөн. Анын негизинде кызматкерлер милициянын кайгуул

Өлкө боюнча 1 млн тоннадан ашык дан жыйналды

Кыргызстанда түшүм жыйноо иштери уланууда. Бүгүнкү күнгө карата өлкө боюнча 365,9 миң гектар аянттагы дан эгиндери жыйналып, жалпы түшүм 1 млн 69,8 миң тоннаны түздү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти. Орточо түшүмдүүлүк гектарына 27,6 центнерге жетти. Өткөн жылы бул

Ысык-Көлдөн 3700 метр тор жана 130 кг таштанды чыгарылды

Ысык-Көлдө браконьерликке каршы күрөшүү жана көлдүн экологиялык абалын коргоо максатында өткөн үч күндүк рейдде 3700 метр синтетикалык тор жана 130 килограмм таштанды чыгарылды. Жаратылыш ресурстары, экология жана техникалык көзөмөл министрлигинен билдиришкендей, рейддин негизги максаты – суу биоресурстарын мыйзамсыз пайдаланууга бөгөт коюу, браконьерликтин алдын алуу жана Ысык-Көлдүн экологиялык абалын сактоо.