Салык кызматкерлеринин атынан билдирүүлөрдөн сак болуңуз!
Мамлекеттик салык кызматы алдамчылык фактыларынын көбөйгөндүгү тууралуу билдирүү таратты.
Белгисиз адамдар Салык кызматынын жетекчилигинин жана кызматкерлеринин атынан мессенджерлер аркылуу билдирүүлөрдү жөнөтүп, акча каражаттарын которууну талап кылууда.
Ушуга байлыныштуу Салык кызматы мессенджерлер же социалдык тармактар аркылуу акча которууну, ошондой эле салыкты ушундай жол менен төлөөнү талап кылбай тургандыгын эскертет.
“Ошондой эле келип түшкөн маалыматтарды текшерүүнү, ал эми анык эмес билдирүүлөр же алдамчылык аракеттери болгон учурда укук коргоо органдарына кайрылууну суранабыз", - деп айтылат маалыматта.
