Коом

Бийик тоолуу аймактардын жашоочулары канча өлчөмдө жөлөкпул ала алышат?

Ишкер Media

23 дек 2025 16:52

Эмгек, социалдык камсыздоо жана миграция министрлиги Нарын, Талас, Ысык-Көл жана Чүй облустарынын аймактык башкармалыктарынын кызматкерлери үчүн “Бийик тоолуу аймактардын жашоочуларына көмөк” жаңы жөлөкпулу боюнча окутуу өткөрдү.

Министрликтин маалыматына караганда, бул жөлөкпул бийик тоолуу жана алыскы жетүүгө кыйын аймактарда, өзгөчө чек арага жакын жайгашкан калктуу конуштарда жашаган жарандарга (үй-бүлөлөргө) үчүнчү жана андан кийинки бала төрөлгөндөн баштап 3 жашка чыкканга чейин берилет.

Тренингде жаңы жөлөкпулдун Социалдык камсыздоонун бирдиктүү системасында модулу менен иштөө жана дайындоо тартиби тууралуу түшүндүрмөлөр берилди. Жарандар арызды 2026-жылдын январынан тартып тапшыра алышат, ал эми төлөм 2026-жылдын 1-февралынан баштап ай сайын 3 000 сомдон төлөнөт.

Министрлик белгилегендей, бул жөлөкпул социалдык-экономикалык абалга карабастан жана райондук коэффициентти эске албай берилет. Арыз тапшыруу үчүн жарандар аймактык социалдык камсыздоо бөлүмүнө кайрылышы керек.

Кыргыз Республикасынын 2024-жылдын 6-декабрындагы № 193 “Кыргыз Республикасындагы мамлекеттик жөлөкпулдар жөнүндө” мыйзамына өзгөртүүлөр киргизилген. Мыйзамга ылайык, 2026-жылдын 1-январынан тартып “Бийик тоолуу аймактардын жашоочуларына көмөк” жөлөкпулу расмий түрдө киргизилет.

Мындан тышкары окуңуз

Чек арадан ири мүйүздүү малды контрабандалык жол менен өткөрүүчү туруктуу канал аныкталды

УКМК Чек ара кызматы менен биргеликте Баткен облусунун аймагында КРнан Тажикстан Республикасына мамлекеттик чек ара аркылуу ири мүйүздүү малды контрабандалык жол менен өткөрүүнүн туруктуу каналын аныктап, ага бөгөт койду. Соттун санкциясы менен жүргүзүлгөн атайын тергөө иш-чараларынын жүрүшүндө КРнын жарандарынын тобу тарабынан өздөрүнүн кылмыштуу ишмердүүлүгүн жашыруу максатында, колдоо көрсөтүп туруу

Салык түшүүлөр 309 млрд сом болуп, план ашыгы менен аткарылды

Мамлекеттик салык кызматынын төрагасынын орун басары Кубанычбек Ысабеков Кыргызстандын салык системасы экономиканын өсүү темпине жетише албай жатат деген маалыматты четке какты. Бул тууралуу мекеменин басма сөз кызматы кабарлады. Анын айтымында, мындай билдирүүлөр чындыкка дал келбейт. Акыркы жылдары Салык кызматы салыктык башкарууну жакшыртып, көмүскө экономиканы кыскартуу боюнча иш алып барууда. 2025-

Бажыны санариптештирүү жана бизнес менен өнөктөштүк форуму болду

Бүгүн, “Ала-Арча” мамлекеттик резиденциясында “Заманбап бажы: санариптик трансформация, эл аралык кызматташтык жана бизнес менен өнөктөштүк” аттуу форум болуп өттү. Иш-чаранын уюштуруучусу, Мамлекеттик бажы кызматынын маалыматына караганда, ага бажы кызматынын, "МБИ" ААКтын, "Бирдиктүү терезе" борборунун, "Салык Сервис", "Кызмат" ишканаларынын өкүлдөрү, Электрондук

Ошто жаңыланган чек ара комплекси пайдаланууга берилди

Бүгүн Ош шаарында Мамлекеттик чек ара кызматынын Ош облусу боюнча башкармалыгынын жаңыланган комплекси ачылды. Бул тууралуу шаардык мэрия кабарлады. Маалыматка ылайык, салтанатка президент Садыр Жапаров катышты. Реконструкцияда штаб, казарма, ашкана, медпункт, спорт комплекси жана турак жайлар толук жаңыртылды. Иш-чарада онлайн форматта дагы 2 объект - Чүйдөгү "Ойронду" жана