Бишкек жашыл зоналары акыркы жылдарда 20%га кыскарган
Акыркы жылдары Бишкек шаарынын жашыл аймактары 20%га кыскарганын калаанын жаңы Башкы планын иштеп чыгуучулар тарабынан коомдук угууларда айтылды.
Санкт-Петербург шаарындагы Перспективдүү шаар куруу илимий-изилдөө институтунун архитектору Ирина Гришечкининанын айтымында, Бишкекте абанын булгануу деңгээли белгтленген чектен 3–5 эсе жогору, бул түздөн-түз жашыл зоналардын жоголушу жана башаламан курулуштун көбөйүшү менен байланыштуу.
Адистер шаардык экосистемалардын деградациясы ирригациялык тармактын оор абалы менен да курчуп жатканын белгилешет:
- сугат тармактарынын 25%ы жараксыз деп эсептелет;
- сууну ташуу учурундагы жоготуулар 20–30%га жетет;
- жер астындагы суулардын деңгээли жыл сайын 0,5–1,2 метрге төмөндөөдө.
Мындан тышкары, санитардык нормалардын бузулушу да кошумча басым жаратууда. Талдоо көрсөткөндөй, санитардык-коргоо зоналарынын 95%ы иш жүзүндө турак үйлөр менен ээленген.
