Коом

Рейдердик басып алууга жол берген “МБЭ Групптун” башкы директору кармалып, негиздөөчүсү издөөгө алынды

Ишкер Media

25 дек. 2025 10:48

УКМКнын дарегине «Альянс Курулуш Плюс» ЖЧКга таандык, Бишкектин 3-кичи районунда жайгашкан көп кабаттуу турак үйдүн үлүштүк курулушунун катышуучулары, турак жайдын курулушуна активдүү тоскоолдук жасап, имараттагы коммерциялык мүлктү рейдерлик жол аркылуу басып алган «МБЭ Групп» компаниясынын ээси «М.Б.Э.» жана ага тиешелүү болгон тараптарга карата чара көрүү өтүнүчү менен жамааттык арыз жазып кайрылышкан.

УКМКнын басма сөз кызматынан карабалагандай, жүргүзүлгөн иш-чаралардын алкагында аныкталган маалыматтар боюнча, 2016-жылы «М.Б.Э.» менен «Альянс Курулуш Плюс» ЖЧК компаниясынын өкүлү катары КРнын жараны «А.М.»дин ортосунда Бишкек шаарынын 3-кичи районунда социалдык, маданий жана тиричилик объектилери бар турак жай имаратын куруу боюнча биргелешкен иш-аракеттер жөнүндө келишим түзүлгөн.

Бирок, 2018-жылы өз ара пикир келишпестиктердин келип чыгуусунан улам, «М.Б.Э.» маркум К.Асанбектин уюшкан кылмыштуу тобунун мүчөлөрүнүн жардамы аркылуу, курулуш компаниясынын жетекчилигинен коркутуу жолу менен аталган объектидеги коммерциялык жайды тартып алып, өзүнүн жакын тууганына каттаткан.

2025-жылдын 23-декабрында, аталган факты боюнча чогултулган материалдардын негизинде козголгон кылмыш ишинин алкагында «МБЭ Групп» компаниясынын башкы директору «Ш.Б.Г.» кармалып, УКМКнын тергөө абагынын убактылуу кармоочу жайына киргизилип, компаниянын негиздөөчүсү «М.Б.Э.»ге карата издөө жарыяланды.

Кылмыш иши боюнча тергөө жана ыкчам иш-чаралар уланууда.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”