Сузактан келген делегат Кара-Дарыя айылына дамба куруу маселесин көтөрдү
IV Элдик курултай учурунда Сузак районунан келген делегат Залкарбек Макамбаев Кара-Дарыя айылында улуттук телеберүүлөр жеткиликтүү эместигин билдирди.
"Биздин айылга телеберүүлөрдү таркатуучу станция жана уюлдук операторлордун антеналарын орнотуп берүүнү суранабыз.
Экинчи маселе - 18 миң калкы бар айылыбызда маданият үйү жок маданий иш-чаралар мектептин залында өткөрүлүп келет. Эски маданият үйүн оңдоп-түзөөдөн өткөрүүнү 2026-жылдын планына киргизип берүүңүздү суранабыз.
Ошондой эле бизде дамба куруу маселеси бар. Анын чыгымы өтө көп болгондуктан, бюджеттүү кылып куруунун долбоорун иштеп чыкканбыз. Ушул маселени мамлекеттик деңгээлде чечип берсеңиздер, 600 гектар айыл чарба багытындагы жер кошулуп, сугат жер ишке кирип, 170 түтүн үйдүн коопсуздугу сакталып, чек арага зым тартуу иши дагы аяктамак”,-деди ал.
