Чүй облусунда 600 миң сом алдап алган адам кармалды
Чүй облусунун Ички иштер башкы башкармалыгынын басма сөз кызматы 7-январда алдамчылыкка шектүү адам кармалганын билдирди. Маалыматка ылайык, 2025-жылдын 15-декабрында Аламүдүн райондук ички иштер бөлүмүнө Кара-Жыгач айылынын тургуну кайрылган.
Анын айтымында, 2024-жылдын ноябрь айында таанышы менен биргелешип бизнес жүргүзөбүз деген убадасына ишенип, ага 600 миң сом акча берген. Бул факт Кылмыш-жаза кодексинин 209-беренеси ("Алдамчылык") боюнча каттоого алынган.
Тергөө иштеринин жүрүшүндө тараптардын ортосунда оозеки макулдашуу болуп, кепилдик катары жабырлануучуга "Audi A4" жана "Nexia-2" үлгүсүндөгү эки унаасын калтырылган. Кийинчерээк шектүү бул унааларды сатып жиберип, алынган акчаны жеке муктаждыктарына короткон.
2026-жылдын 3-январында шектүү Э.У. милиция кызматкерлери тарабынан кармалып, Аламүдүн райондук сотунун чечими менен ал камакка алынды.
Мындан тышкары, кармалган жаран башка ушул сыяктуу кылмыштарга да тиешеси бар экени жана издөөдө жүргөнү аныкталган. Ушуга байланыштуу укук коргоо органдары шектүүнүн аракеттеринен жабыркагандарды же кандайдыр бир маалыматка ээ болгон жарандарды төмөнкү телефондор аркылуу кабар берүүгө чакырат: 0312 36-35-27, 0312 36-35-23.
