Быйылкы жылдын өндүрүштүк календары кандай бекиди?
2025-жылдын декабрь айынын аягында Эмгек, социалдык камсыздоо жана миграция министрлиги 2026-жылга карата өндүрүштүк календарды бекитти. Календарга ылайык, төмөнкү күндөр мамлекеттик майрамдар болуп белгиленди:
- 1-январь — Жаңы жыл;
- 23-февраль — Ата Мекенди коргоочулардын күнү;
- 8-март — Аялдардын эл аралык күнү;
- 21-март — Элдик майрам Нооруз;
- 7-апрель — Элдик Апрель революциясынын күнү;
- 1-май — Эмгек майрамы;
- 5-май — Кыргыз Республикасынын Конституция күнү;
- 9-май — Жеңиш күнү;
- 31-август — Кыргыз Республикасынын Эгемендүүлүк күнү;
- 7 жана 8-ноябрь — Тарых жана ата-бабаларды эскерүү күндөрү.
Иштебеген майрам күндөрү:
- 1-январдан 6-январга чейин — жаңы жылдык каникулдар, бирок Министрлер Кабинети каникулдарды 12-январга чейин узарткан;
- 8-март — Аялдардын эл аралык күнү;
- 21-март — Элдик майрам Нооруз;
- 1, 2, 3, 4, 6, 7, 8-май — май айындагы каникулдар;
- 5-май — Кыргыз Республикасынын Конституция күнү;
- 9-май — Жеңиш күнү;
- 31-август — Кыргыз Республикасынын Эгемендүүлүк күнү.
Мындан тышкары, ай календары боюнча белгиленген мусулмандардын Орозо айт жана Курман айт майрамдары, ошондой эле 7-январь — Христостун туулган күнү (православдык Рождество) да иштебеген майрам күндөрү болуп саналат.
Быйыл Орозо айт 19-мартка, ал эми Курман айт 27-майга туура келиши мүмкүн.
Майрам алдындагы кыскартылган иш күндөрү:
- 20-март,
- 30-апрель,
- 31-декабрь.
Кыскартылган майрамдык иш күндөрү:
- 23-февраль,
- 7-апрель.
