Кызмат абалынан кыянаттык кылган укук коргоочулар колго түштү
УКМК тарабынан жаранга өзгөчө оор залака келтирүү жана Өзгөн райондук милиция бөлүмүнүн кызматкерлеринин кызмат абалынан кыянаттык менен пайдалануусу боюнча кылмыш иши иликтөөгө алынды.
УКМК басма сөз кызматынын маалыматына ылайык, 2026-жылдын 3-январында Өзгөн РИИБдин Куршаб айылдык милиция бөлүмчөсүнүн кызматкерлери кызматтык абалынан кыянаттык менен пайдаланып, эки жаранды мыйзамсыз кармап, тиешелүү процессуалдык документтерди түзбөстөн, физикалык зомбулук колдонушкан. Натыйжада А.Б. аттуу жарандын ден соолугуна оор залака келтирилген.
Ушундан улам, КРнын Кылмыш-жаза кодексине ылайык, кылмыш жасаган деген шек менен козголгон кылмыш ишинин алкагында Өзгөн райондук ички иштер бөлүмүнүн кызматкерлери "С.Х.", "И.К." жана "А.А." кармалышты жана КР УКМКнын убактылуу кармоочу жайына камакка алынды.
Учурда тиешелүү тергөө жана ыкчам иш-чаралар уланууда.
💡
КР УКМК ушул сыяктуу кызмат абалынан кыянаттык менен пайдалануу же башка мыйзамсыз аракеттер болсо - кайдыгер карап турбай, маалымат берип туруну жарандарга сунуштайт.
