Республикалык кан борбору калктын колдоосуна муктаж

Республикалык кан борборунан донордук кандын жетишсиздиги, айрыкча майрам күндөрү көп байкалып жатканын кабарлашууда.

Билдирүүгө караганда, адатта бул мезгилде жаракат алуулардын, жол кырсыктарынын жана башка окуялардын саны көбөйөт. Анын бир мисалы, жакында эле карылар үйүндөгү өрттүн чыгышы. Кан компоненттерине болгон муктаждык жогору болгондуктан жана донорлордун саны азайгандыктан, кан запастары өтө төмөн көрсөткүчкө жетти. Ал эми жардамга муктаж жана жарандардын боорукерлигине үмүттөнгөндөрдүн саны көбөйдү.

Буга байланыштуу, кайдыгер эмес жарандарды кан борборго келип, кан тапшырууга чакырышууда.

Донор боло турган жаран:

·       майлуу, куурулган жана сүт азыктарды жебеңиз;

·       48 саат ичинде алкоголдук ичимдиктерди ичүүгө болбойт;

·       3 күн ичинде дары-дармектерди колдонууга болбойт;

·       кош бойлуулук, бала эмизүү жана айыз циклден тышкары;

·       оору, сыркоо маалынан тышкары.

Дареги: Чыңгыз Айтматов проспекти – 60,

Кабыл алуу: – саат 8.00 ден 14.30 га чейин. Жекшембиден башка күндөрү иштейт.

Кан борборунун адистеринин айтымында,  кан тапшырууга биринчи ирет келген жаран эч нерседен коркпошу керек. “Менин каным кайра эле калыбына келип, жаңыланат жана менден чыккан кан бирөөдүн өмүрүн сактап калууга жардам берет” – деп, эстен чыгарбашы зарыл.