Коом

Интернет-алдамчылык боюнча 19 жаштагы жаран кармалды

Ишкер Media

10 янв. 2026 18:40

2025-жылдын 12-ноябрында Бишкек шаарынын Биринчи Май районунун ички иштер башкармалыгына Н.В. аттуу жаран арыз менен кайрылган. Анда арыз ээси 2025-жылдын 5-ноябрында белгисиз адамдар "WhatsApp" аркылуу батир сатып алуу шылтоосу менен ишенимге кирип, анын 49 миң 900 долларын алдап алышкандыгын билдирген.

Бишкек шаарынын ИИББнын Басма сөз кызматынын маалыматына караганда, аталган факт боюнча райондук башкармалыктын Тергөө кызматы тарабынан КРнын Кылмыш-жаза кодексине ылайык (Электрондук төлөм каражаттарын, виртуалдык актив капчыгын жана SIM-карталарды үчүнчү жактарга атайылап берүү же сатуу боюнча) кылмыш иши козголгон.

Текшерүүнүн жүрүшүндө жабырлануучу "Оптима Банк" төлөм терминалдары аркылуу жалпы суммасы 3 655 000 сом акча каражатын которгону аныкталган. Тергөө иш чараларынын алкагында акча каражаттарын алуучулардын бири — 2007-жылы туулган А.Б. аныкталган. Анын банктык картасына 200 000 сом өлчөмүндө акча каражаты түшкөн. Аталган жаран процессуалдык аракеттерди жүргүзүү үчүн Бишкек шаарынын Биринчимай РИИБинин тергөө кызматына жеткирилип, КРнын Жазык-процессуалдык кодексинин 96-беренесине ылайык Бишкек шаарынын ИИББнинн убактылуу кармоочу жайына киргизилди.

Учурда ички иштер органдарынын кызматкерлери кошумча маалыматтарды чогултууга, далилдер базасын калыптандырууга, ошондой эле бул кылмышка тиешеси бар башка жагдайларды жана адамдарды аныктоого багытталган ыкчам-иликтөө жана техникалык иш-чараларды жүргүзүп жатышат.

Мындан тышкары окуңуз

Кылмыштуу ишти каржылоого жана аны адалдоого каршы аракеттенүү маселеси талкууланды

Бүгүн Кылмыштуу ишти каржылоого жана кылмыштуу кирешелерди легалдаштырууга (адалдоого) каршы аракеттенүү маселелери боюнча ведомстволор аралык комиссиясынын 18-жыйыны болуп өтү. Ишчарага Министрлер Кабинетинин Төрагасы Адылбек Касымалиев, Кылмыштуу кирешелерди адалдоого жана терроризмди каржылоого каршы күрөшүү боюнча Евразия тобунун эксперттери, Ведомстволор аралык комиссиянын мүчөлөрү жана мамлекеттик органдардын өкүлдөрү катышты. Адылбек Касымалиев жыйынды

Финансы министрлиги Бакай-атадагы социалдык мекемеге колдоо көрсөттү

Финансы министри Руслан Сүйүналиев Талас облусуна болгон иш сапарынын алкагында Бакай-Ата районундагы улгайган адамдар жана ден соолугунун мүмкүнчүлүктөрү чектелген жарандар жашаган социалдык стационардык мекемеге барып, анда жашаган жарандар менен жолугушуп кайтты. Финансы министрлигинин маалыматына караганда, КРнын Министрлер Кабинетинин тескемесине ылайык, Финансы министрлиги аталган мекемеге камкордук көрсөтүүнү өз милдетине алган.

Бишкекте 6 акча алмашуу бюросунун лицензиясы убактылуу токтотулду

КРнын мыйзамдарын жана Улуттук банктын ченемдик укуктук актыларынын талаптарын бузууга жол бергендиги үчүн Улуттук банк Бишкек шаарындагы 6 алмашуу бюросунун лицензиясынын аракетин убактылуу токтотту. Улуттук банктын маалыматына ылайык, төмөнкү төрт алмашуу бюросунун лицензияларынын аракети 2026-жылдын 12-сентябрынан 26-сентябрын кошо алгандагы мезгил аралыгына токтотулду: * “Милан Обмен” ЖЧК; * “МЭФФ КЭШ”

Кыргызстан менен Кытай техникалык жөнгө салуу жаатында кызматташтыкты өнүктүрөт

Бүгүн Экономика министринин орун басары Искендер Асылкулов Кытайдын Рынокту жөнгө салуу боюнча мамлекеттик башкармалыгынын делегациясы менен жолугушту. Бул тууралуу министрлик билдирди. Жолугушууда техникалык жөнгө салуу, шайкештикти баалоо, сертификаттоо жана аккредитациялоо тармактарындагы эки тараптуу кызматташтыкты өнүктүрүү маселелери талкууланды. Кыргыз тарап өлкөнүн техникалык жөнгө салуу жана улуттук аккредитациялоо системалары тууралуу маалымат берди.