Башкы план-2050: коомдук талкуудан кийинки жыйынтыктар
Бишкек шаарынын 2050-жылга чейинки Башкы планынын долбоору боюнча өткөрүлгөн коомдук талкуулардын жыйынтыгында жарандардан түшкөн сунуштар эске алынып, долбоордук схемага бир катар өзгөртүүлөр киргизилди. Бул тууралуу Бишкек шаарынын мэриясынан билдиришти.
Коомдук угуулар 2025-жылдын 24-25-декабрь күндөрү Бишкек шаарында өтүп, ага шаар жетекчилиги, долбоорду иштеп чыгуучулар, шаардык кызматтардын өкүлдөрү, активдүү шаар тургундары, ММК, ишкер чөйрөнүн жана мамлекеттик органдардын өкүлдөрү катышты.
Талкуу учурунда шаардын демографиялык өсүшү, транспорттук инфраструктураны өнүктүрүү, жашыл аймактарды сактоо жана экологиялык коопсуздук маселелери боюнча сунуштар айтылды. Бардык пикирлер белгиленген тартипте каралып, тиешелүү анализ жүргүзүлдү.
Анын жыйынтыгында коомчулуктун сунуштарын эске алуу менен Башкы пландын долбоордук схемасына айрым өзгөртүүлөр киргизилди. Жаңыртылган материалдар менен Бишкек шаарынын мэриясынын расмий сайтынан таанышсаңыздар болот.
