Өзгөн шаарында 262 млн сомго мектеп курулууда
Өзгөн шаарындагы №10 муниципалдык аймактын башкармалыгында жалпы аянты 5897 чарчы метрди түзгөн жаңы мектеп курулуп жатат. Бул тууралуу Курулуш, архиктектура жана турак жай-коммуналдык чарба министрлигинен билдиришти.
Курулуш иштери мамлекеттик казынадан каржыланып, тендердик баасы 262 миллион сомду түзөт.
Долбоор боюнча мектеп 6 блоктон турат. Анда 43 окуу классы, жыйындар залы, дарыгердин бөлмөсү, ашкана жана бардык шарттары менен спорт зал каралат.
Курулуш иштеринин жүрүшү Турак жай-жарандык курулуш департаменти тарабынан көзөмөлдөнүп, имарат заманбап үлгүдө салынууда.
