Полигон коррупциясы боюнча мурдагы вице-мэр жана жетекчилер камалды – зыян 182 млн сом
Бишкек шаарында катуу таштандыларды башкарууну жакшыртуу жана жаңы полигон куруу долбоорунда коррупциялык фактылар боюнча кылмыш иши козголду. Бул тууралуу УКМКдан кабарлашты.
2015-жылы долбоор үчүн кредиттик негизде 22 млн евро бөлүнгөн. Аудиттин натыйжасында бюджетке 182 млн сом алдын ала зыян келтирилгени аныкталды.
Тергөө учурунда Бишкек шаарынын мурдагы вице-мэри С.Р.А., "Бишкек санитардык полигону" муниципалдык ишканасынын мурдагы директору А.А.Ж., ошондой эле подряддык компаниялардын жетекчилери кармалып, убактылуу кармоочу жайга камалды.
Учурда бюджетке келтирилген зыяндын акыркы суммасын аныктоо жана бардык тиешелүү кызмат адамдарын аныктоо боюнча кошумча тергөө иштери уланууда.
