Былтыр 2088 адамды депортациялоого 243 млн сом каржылык колдоо көрсөтүлгөн
Тышкы иштер министрлиги Кыргызстандан 2 миңден ашык чет элдикти депортациялоого канча каражат кеткенин билдирди.
2025-жылы кыска мөөнөттүү амнистия алкагында Кыргызстандан чыкпай туруп, өлкөдө мыйзамдуу болууну легалдаштырышкан чет элдик жарандар 9,6 миңди түзгөнүн тышкы иштер министри Жээнбек Кулубаев билдирди.
Анын айтымында, республикадан жалпы 2 088 чет элдик адам депортацияланган.
"Аларды алты багыт боюнча 29 депортациялык рейс менен чыгардык. Ички иштер органдарынын кепилдик каражаттарынын эсебинен депортациялоо үчүн 243 млн сом каржылык колдоо көрсөтүлдү", — деди министр.
Ошондой эле ал былтыр Россиядан 237 кыргызстандык, Казакстандан төрт, Кытайдан бир жаран кайтарылганын кошумчалады. Мындан тышкары, 53 кыргызстандык эвакуацияланган, алардын ичинде Мьянмадан 12 киши бар.
