Бишкектеги тез татымдардын биринде кайрадан массалык уулануу болду
Бишкекте шаурмага 17 адам ууланып, 13ү ооруканага жаткырылып, 4 адам амбулатордук дарыланууга жиберилди. Бул тууралуу Саламаттыкты сактоо министрлигинен кабарлашты.
Маалыматка караганда, уулангандардын баары “Даамдуу” тез тамактануучу жайынан 15-январда шаурма алып жешкен жана ар кайсы убакта уулануунун белгилерин көрсөтүп, аймактык жугуштуу оорулар жана инфекциялар борборуна кайрылышкан. Бардык жабырлануучулар зарыл жардам алып, лабораториялык текшерүү үчүн клиникалык үлгүлөр чогултулган. Учурда тиешелүү материалдар жана анализдер изилдөөгө жөнөтүлүп, жыйынтыгы чыгышы күтүлүп жатат.
Эске салсак, аталган тез татым жайынан былтыр дагы уулануу фактысы катталып, 20 ашуун жаран жабыркаган. Учурда бул аны жабуу боюнча санитардык буйрук чыгарылып, павильон жабылгандыгы кабарланууда.
