Россиядан мыйзамсыз алып келинген 15 600 литр кымыз өлкөгө киргизилген жок

Россиядан мыйзамсыз алып келинген 15 600 литр кымыз өлкөгө киргизилген жок

Үй облусуна караштуу "Ак-Тилек" чек ара ветеринардык көзөмөл өткөрүү жайында Россиядан Кыргызстандын аймагына мыйзамсыз ташылып келе жаткан 15 600 литр кымыз аныкталып, артка кайтарылды. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Текшерүү чек ара ветеринардык көзөмөл пунктунун инспекторлору тарабынан жүргүзүлдү. Изилдөө учурунда продукциянын этикеткасында чыгарылган күнү көрсөтүлбөгөнү белгиленди, бул Кыргыз Республикасынын ветеринардык жана санитардык талаптарына жооп бербейт.

Аталган факт боюнча тиешелүү тартипте актылар түзүлүп, жүктү Кыргыз Республикасынын аймагына киргизүүгө тыюу салынды. Натыйжада, товар "Ак-Тилек" көзөмөл өткөрүү жайы аркылуу кайра Россия Федерациясына жөнөтүлдү.

Ветеринария, мал чарбасын өнүктүрүү, жайыт жана тоют кызматы мындай учурларды тыкыр көзөмөлдөп, калк үчүн коопсуз азык-түлүк камсыздоону улантууда.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Бишкекте акча алмаштыруу бюросу жоопкерчиликке тартылды

Бишкек - Кант жолунда жарыктандыруу системасы ишке кирди

Бактияр Алиев Социалдык фонддун ишин журналисттерге тааныштырды

Кыргызстанда Эл аралык валюта фондунун миссиясы ишин баштады

"Кыргызнефтегаз" жаңы газ кенин тапты