Тоң районуна 550 орундуу мектеп салынып жатат
Ысык-Көл облусунун Тоң районундагы Ала-Баш айылында 550 окуучуга ылайыкталган заманбап мектептин курулушу жүрүп жатат. Бул тууралуу Курулуш, архитектура жана турак жай-коммуналдык чарба министрлигинен билдиришти.
Долбоорго ылайык, мектеп заманбап окуу класстары, толук жабдылган спорт залы, жыйындар залы жана ашкана менен камсыздалат. Ошондой эле дарыгердин бөлмөсү, китепкана, лаборатория, балдар жана кыздар үчүн эмгек класстары каралган.
Курулуш иштери мамлекеттик бюджеттин эсебинен каржыланууда. Учурда иштердин 75%ы аткарылып, имараттын ички жасалгалоо иштери жүргүзүлүүдө.
