Акыйкатчы балдар үйүндөгү кыздын 518 миң сом жөлөкпулун өндүрүп берди

Акыйкатчы балдар үйүндөгү кыздын 518 миң сом жөлөкпулун өндүрүп берди

Чүй облусундагы балдар үйүндө жашаган жетим кыз М.Б. 8 жыл бою майыптыгы үчүн каралган социалдык жөлөкпулду албай келген. Мындай абалды Акыйкатчы Жамиля Жаманбаеванын Институту 2025-жылы балдар үйлөрүнө жүргүзгөн мониторинг учурунда аныктаган.

Акыйкатчы институтунун маалыматына ылайык, текшерүүдө кыз 2015-жылы медициналык-социалдык эксперттик комиссиянын чечими менен жөлөкпул алууга укуктуу болгонуна карабастан, балдар үйүнө которулгандан кийин 2017-жылы кайра комиссиядан өтпөй калгандыктан төлөм токтотулгандыгы белгиленген.

Акыйкатчынын сунушу менен Башкы прокуратура жана Эмгек, социалдык камсыздоо жана миграция министрлиги балдардын укуктарынын так сакталышын көзөмөлдөп, кемчиликтерге жол берген жооптуу кызматкерлерге тартиптик чара көрдү.

Натыйжада, М.Б.га жалпысынан 518 миң сом өлчөмүндө жөлөкпул өндүрүлүп, 2026-жылдын 1-майына чейин кыздын депозиттик эсебине которулуп берилет. Акыйкатчы Жамиля Жаманбаева мамлекеттик органдарга балдардын укуктарын жана таламдарын камсыз кылууга милдеттүү экенин эскертти.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

DemirBankтан 100 000 сомго чейинки кэшбек менен ипотека

РФнын 8 аймагында мигранттарга таксист болуп иштөөгө чектөө киргизүү пландалууда

Ошто мыйзамсыз аңчылык кылган жаран 10 миң сом айыпка жыгылды

Бишкек шаарынын тургундары мэрия өкүлдөрү менен жолугушту

Чүйдөгү абакта электр прожекторлорун өндүрүүчү жаңы цех ишке кирди