Ат-Башыда 3%дык насыя менен ангус породасындагы мал чарбасы өнүгүүдө
Нарын облусунун Ат-Башы районуна караштуу Кызыл-Туу айылында жайгашкан фермердик чарба мамлекеттин колдоосунун алкагында иш алып барууда. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Фермер Айыл чарба министрлигинин демилгеси менен ишке ашырылып жаткан 3%дык жеңилдетилген насыянын алкагында "Айыл Банк" аркылуу каржылык колдоого ээ болуп, Россиядан эт багытындагы абердин-ангус породасындагы асыл тукум уйларды алып келген.
Учурда малдын саны көбөйтүлүп, заманбап ыкмалар менен багылууда. Бул порода жогорку эт өндүрүмдүүлүгү менен айырмаланып, аймактагы этке болгон суроо-талапты камсыздоодо.
Ошондой эле фермер министрликтин колдоосу менен кооператив түзүп, продукцияны биргелешип өндүрүү жана сатуу багытында иш алып барууда. Бул фермерлердин кирешесин жогорулатып, жаңы жумуш орундарын түзүүгө шарт түзүүдө.
