Казакстандан 65 баш жылкы алып келип берем деп алдаган адам кармалды
Чүй облусунда өзгөчө ири өлчөмдөгү алдамчылыкка шектелген жаран кармалганын Чүй облустук милициясынан билдиришти.
Маалыматка ылайык, 1971-жылы туулган А.Ж. аттуу жаран милицияга кайрылып, "М" аттуу белгисиз жаранга чара көрүп берүүнү өтүнгөн.
Ал Казакстандан Кыргызстанга жалпы баасы 7 млн сомду түзгөн 65 баш жылкыны айдап өтүп берем деп 2 млн теңге акча каражатын, ошондой эле жогоруда көрсөтүлгөн мал-мүлктү алып качып кеткен.
Натыйжада арыз ээсине өзгөчө ири өлчөмдө - жалпы 7 330 400 сом суммада материалдык зыян келтирилген.
Бул факты боюнча "Алдамчылык" беренеси менен кылмыш иши козголуп, ыкчам-издөө иш-чараларынын жүрүшүндө 1984-жылы туулган К.М. аттуу жаран кармалган.
Учурда кылмыш иши боюнча болгон бардык жагдайларды аныктоого багытталган тергөө иш-чаралары улантылууда.
