Алименттен качкан 1,2 миңден ашык адам издөөдө
Кыргызстанда алимент төлөөдөн системалуу түрдө качкан 1 миң 200дөн ашык жаран издөөдө экенин Башкы прокуратура "Кабар" агенттигинин суроосуна жооп берип жатып билдирди.
Ведомствонун маалыматына ылайык, 1 миң 205 алимент төлөбөгөн адамга расмий түрдө издөө жарыяланып, алар боюнча аткаруу өндүрүштөрү убактылуу токтотулган.
Өткөн жыл ичинде алимент төлөөдөн туруктуу баш тарткан жарандарга чара көрүү максатында Ички иштер министрлигине 1 миң 124 материал жөнөтүлгөн. Аларды кароонун жыйынтыгында:
280 карызкорго айып пул салынган;
63 жаран коомдук иштерге тартылган;
244 материал боюнча кылмыш ишин козгоодон баш тартуу чечими кабыл алынган;
18 материал кемчиликтерди жоюу үчүн кайра кайтарылган;
143 өндүрүш токтотулган;
376 материал учурда кароо стадиясында турат.
Жалпысынан 2025-жылы алименттик милдеттенмелер боюнча 690 миллион 541 миң 822 сом өндүрүлүп алынган.
